ROSARIO SELAMA BULAN ARWAH

[sadèrèngipun sembahyangan rosario punika dipun wiwiti, saged dipun waosaken asmanipun para sukma ingkang badhé dipun sembahyangaken.]

1. Tanda Pamenthangan.

2. Kawula Pitados…..

3. Mugi Linuhurna…..

4. Rama Kawula…..

5. Sembah Bekti Katur Ing Putra Putri Dalem Sang Hyang Rama. Sembah bekti…..

6. Sembah Bekti Katur Ing Ibu Dalem Sang Hyang Putra. Sembah bekti ……

7. Sembah Bekti Katur Ing Pramèswari Dalem Sang Hyang Roh Suci. Sembah bekti ……

8. Mugi Linuhurna…..

9. Pinujia…..

10. Prakawis-Prakawis Rosario:

Prakawis Sepisan:

Dhuh Sri Yésus, karana nugrahaning luh tuwin ludira Dalem wonten ing Taman Gètsemani, melasana para sukma ingkang sangsara ing latu pangresikan.

Rama kawula……,Sembah bekti……..10x,

Mugi Linuhurna………, Pinujia…….

Dhuh Gusti, karsaa paring katentreman langgeng, mugi pepadhang jati nyunari para abdi supados ngaso kanthi tentrem.

Mugi para sukma ingkang pitados ing Sampéyan Dalem kepareng ngaso kanthi tentrem karana sih palimirma Dalem Gusti. Amin.

Prakawis Kaping Kalih

Dhuh Sri Yésus, karana nugrahaning panganiaya Dalem ing Pangadilan, rikala Panjenengan dipun cecamah, dipun siksa tuwin dipun sapu, melasana para sukma ing latu pangresikan ingkang ngantu-antu tinampi pantes mlebet ing kratoning kasucian Dalem.

Rama kawula……,Sembah bekti……..10x,

Mugi Linuhurna………, Pinujia…….

Dhuh Gusti, karsaa paring katentreman langgeng, mugi pepadhang jati nyunari para abdi supados ngaso kanthi tentrem.

Mugi para sukma ingkang pitados ing Sampéyan Dalem kepareng ngaso kanthi tentrem karana sih palimirma Dalem Gusti. Amin.

Prakawis Kaping Tiga

Dhuh Sri Yésus, karana nugrahaning makutha eri ingkang kaagemaken ing mustaka suci Dalem, melasana para sukma ingkang kabucal lan dipun supèkaken, saha ingkang dèrèng kepareng luwar saking kasangsaranipun ing latu pangresikan.

Rama kawula……,Sembah bekti……..10x,

Mugi Linuhurna………, Pinujia…….

Dhuh Gusti, karsaa paring katentreman langgeng, mugi pepadhang jati nyunari para abdi supados ngaso kanthi tentrem.

Mugi para sukma ingkang pitados ing Sampéyan Dalem kepareng ngaso kanthi tentrem karana sih palimirma Dalem Gusti. Amin.

Prakawis Kaping Sekawan

Dhuh Sri Yésus, karana margi pamenthangan Dalem ingkang saklangkung awrat, melasana para sukma ingkang badhé pinaringan luwaring siksa saking latu pangresikan. Karana kasangsaran Dalem rikala pinanggih ingkang Ibu, kaluwarana saking latu pangresikan, para sukma ingkang tansah ngunjukaken sembahyangan dhumateng Ibu Kinasih.

Rama kawula……,Sembah bekti……..10x,

Mugi Linuhurna………, Pinujia…….

Dhuh Gusti, karsaa paring katentreman langgeng, mugi pepadhang jati nyunari para abdi supados ngaso kanthi tentrem.

Mugi para sukma ingkang pitados ing Sampéyan Dalem kepareng ngaso kanthi tentrem karana sih palimirma Dalem Gusti. Amin.

Prakawis Kaping Gangsal

Dhuh Sri Yésus, karana salira Dalem ingkang suci, ingkang gumantung ing pamenthangan; karana sampeyan tuwin asta Dalem ingkang pinantek ing pamenthangan; karana seda Dalem ingkang wengis tuwin lambung Dalem ingkang jinojoh ing waos, melasana para sukma tuwin kaparingana sih palimirma Dalem. Keparenga para sukma nunggil kaliyan Gusti ing swarga.

Rama kawula……,Sembah bekti……..10x,

Mugi Linuhurna………, Pinujia…….

Dhuh Gusti, karsaa paring katentreman langgeng, mugi pepadhang jati nyunari para abdi supados ngaso kanthi tentrem.

Mugi para sukma ingkang pitados ing Sampéyan Dalem kepareng ngaso kanthi tentrem karana sih palimirma Dalem Gusti. Amin.

11. Tanda Pamenthangan.