ASTUTI SAKRAMEN MAHASUCI

ASTUTI
SAKRAMEN MAHASUCI

Kidung pambuka
I Ayo padha nimba banyuning panguripan
U Saking sumber-sumbering karahayon

I Ayo padha munjuk:
Allah ingkang mahawelas, wonten ing Tyasipun Putra Dalem ingkang tatu margi dosa-dosa kawula, Sampeyan Dalem paring sih nugraha raja brananing katresnan Dalem ingkang tanpa winates. Keparenga kawua ngaturaken sembah bekti konjuk ing Panjenenganipun lan nindakaken pamartobat kawula wonten ing gesang ingkang pantes, lantaran Sang Kristus Gusti kawula, ingkang kaliyan Sampeyan Dalem nunggil ing Hyang Roh Suci, jumeneng Allah ing salami-laminipun.
U Amin

Kidung Maria

Sembahyangan Ibu Dewi Mariah
I Dewi Mariyah ibuning Allah nyuwun pangestu Dalem
U Supados sageda nampi kasagahan Dalem Sang Kristus

I Ayo padha munjuk:
Allah ingkang mahaasih kanthi pitulungan Dalem Hyang Roh Suci, Sampeyan Dalem sampun nucekaken jiwa lan raganipun ibu Dewi Mariyah, supados pantes dados Ibu Dalem Gusti kawula, Sri Yesus Kristus. Kakiyatna kawula saking sadaya godha rencana ing donya punika, supados benjing sageda ngraosaken kabingahan langgeng ing swarga, lantaran Sang Kristus Gusti kawula.
U Amin

Tantum Ergo

Sembahyangan Sakramen Mahasuci
I Ayo padha munjuk:
Allah Rama ingkang mahakuasa tuwin langgeng, wontening bojana korban Ekaristi kawula pengeti sangsara, seda lan wungunipun Putra Dalem. Mugi krana pangibadah katur Sakramen Mahasuci punika, kawula sageda langkung ngrumaosi sapinten agengipun katresnan Dalem, supados kawula saged nampi karahayon lan katrentreman ing donya, tuwin kabegjan wontening swarga. Lantaran Sang Kristus Gusti kawula ingkang kalian Sampeyan Dalem nunggiling Hyang Roh Suci, jumeneng Allah ing salami-laminipun.
U Amin

Berkahan Sakramen Mahasuci

Sembahyangan Pepudyan

Minulya Sang Hyang Allah.
Minulya asma Dalem ingkang mahasuci.
Minulya Yesus Kristus Gusti Allah sayektos manungsa sayektos minulya.
Minulya asma Dalem Sri Yesus.
Minulya Tyas Dalem ingkang mahasuci.
Minulya Gusti Yesus Kristus.
Minulya Rah Dalem ingkang saklangkung sae.
Minulya Hyang Roh Suci panglipur kawula.
Minulya Ibu Dalem Hyang Allah ingkang tanpa tanding, Kenya Mariyah ingkang mahasuci.
Minulya ingkang pinurba mulus tanpa ciri.
Minulya Dewi Mariyah ingkang kapundhut dhateng swarga kanthi kamulyan.
Minulya Santo Yusuf garwa Dalem ingkang saklangkung suci.
Minulya Sang Hyang Allah tuwin malaikat Dalem ingkang saklangkung suci.

Kidung Panutup