LITANI TYAS DALEM GUSTI YESUS

P Gusti nyuwun kawelasan
U Sang Kristus nyuwun kawelasan.
P Gusti nyuwun kawelasan, Sang Kristus, kawula kalilanana munjuk.
U Sang Kristus, mugi nyembadanana panyuwun kawula.
P Allah Hyang Rama ing swarga, U Nyuwun kawelasan

Allah Hyang Putra, Panebusing donya,
Allah Hyang Roh Suci,
Tri Mulya ingkang linangkung, Allah satunggal,
Tyas Dalem Sri Yesus, Putraning Hyang Rama ingkang langgeng,
Tyas Dalem Sri Yesus, winangun ing Hyang Roh Suci, ing guwagarbanipun Sang Ibu Kenya,
Tyas Dalem Sri Yesus, ingkang tinunggilaken kaliyan Sabdanipun Allah,
Tyas Dalem Sri Yesus, ingkang kaluhuranipun tanpa wasana,
Tyas Dalem Sri Yesus, kahyangan ingkang suci,
Tyas Dalem Sri Yesus, kadhatonipun Hyang Mahaluhur,
Tyas Dalem Sri Yesus, dalemipun Allah saha gapuraning swarga,
Tyas Dalem Sri Yesus, parapen murub ing katresnan,
Tyas Dalem Sri Yesus, penuh kasaenan tuwin kamirahan,
Tyas Dalem Sri Yesus, sadaya sawarnining kautamen ingkang boten kenging jinagan,
Tyas Dalem Sri Yesus, ingkang saklangkung pantes dipun unggul-unggulaken,
Tyas Dalem Sri Yesus, Ratu saha puruging manah sadaya,
Tyas Dalem Sri Yesus, anggen sadaya kawicaksanan saha seserepan,
Tyas Dalem Sri Yesus, ingkang dinaleman ing Allah, saka sampurnanipun sadaya,
Tyas Dalem Sri Yesus, ingkang damel pirenaning panggalih Dalem Hyang Rama,
Tyas Dalem Sri Yesus, ingkang rinoban ing sih, ngluberi kawula sadaya,
Tyas Dalem Sri Yesus, ingkang dados pangajeng-ajengipun para leluhur,
Tyas Dalem Sri Yesus, ingkang saklangkung sabar saha ageng kawelasanipun,
Tyas Dalem Sri Yesus, ingkang mahasugih, paring sih dhateng saben tiyang ingkang gadhah panyuwun,
Tyas Dalem Sri Yesus, tuking gesang tuwin kasucian,
Tyas Dalem Sri Yesus, ingkang dados lantaran pangruwatipun dosa kawula,
Tyas Dalem Sri Yesus, tuwuk ing cecamah,
Tyas Dalem Sri Yesus, ingkang rempu margi saking kadurjanan kawula,
Tyas Dalem Sri Yesus, ingkang mituhu ngantos dumugining seda,
Tyas Dalem Sri Yesus, jinojoh ing waos,
Tyas Dalem Sri Yesus, tuking sagunging panglipur,
Tyas Dalem Sri Yesus, daya panggesangan kawula saha margining kawula tangi saking pejah,
Tyas Dalem Sri Yesus, pisungsung patobat kawula saha wangsulipun katentreman kawula,
Tyas Dalem Sri Yesus, bebantening para tiyang dosa,
Tyas Dalem Sri Yesus, dununging karahayonipun ingkang gadhah pangajeng-ajeng ing Sampeyan Dalem,
Tyas Dalem Sri Yesus, pangajeng-ajengipun tiyang ingkang pejahipun nunggil ing Sampeyan Dalem,
Tyas Dalem Sri Yesus, kanikmataning para suci sadaya,

P Cempening Allah ingkang mbirat dosaning jagad,
U Nyuwun sih palimirma Dalem, Gusti.
P Cempening Allah ingkang mbirat dosaning jagad,
U Nyuwun sih paring Dalem, Gusti.
P Cempening Allah ingkang mbirat dosaning jagad,
U Nyuwun kawelasan Dalem.
P Gusti Yesus ingkang lembah ing panggalih saha andhap asor,
U Mugi manah kawula kaemperna kaliyan Tyas Dalem.

P Suwawi sami munjuk:
Allah ingkang mahakuwasa tuwin langgeng, sumangga kawula aturi mriksani Tyasipun Putra Dalem kekasih, saha dhateng pamuji tuwin patempahipun tiyang dosa, ingkang kaunjukaken Tyas wau ingarsa Dalem, punapa malih mugi paring pangaksama dhateng tetiyang ingkang ngasih-asih nyuwun kawelasan: Karana Asmanipun Sri Yesus, Putra Dalem, ingkang kaliyan Gusti manunggil ing Hyang Roh Suci, gesang tuwin mengku kaprabon, jumeneng Allah ing salami-laminipun.
U Amin.