3113

Kapitadosan Kristen-katolik marang Allah, yaiku pitados dhateng Allah ingkang satunggal, Ketuhanan yang maha esa. Piwucalipun Pasamuwan, Allah punika Hyang Rama, Hyang Putra, tuwin Hyang Roh Suci. Lajeng kados pundi anggenipun njlentrehaken??

Bab punika ingkang adamel mas Paul (MP) kalian Pakdhe Piter (PP) kadangkala susah njawab yen ditakoni kadang sanes kapitadosan.

MP  :  Pakdhe, aku wingi rada bingung je, ditakoni tangaku, koq Allahmu telu ta? Ana Allah Hyang Rama, Hyang Putra, Hyang Roh Suci, yang-yangan, yangmu uga…..pripun pakdhe?

PP   :  Padha, mas! Aku ya tau ditakoni kaya mengkono kuwi, aku yo ra isa njawab je….lha bingung meh njawab kepriye. Pokoke aku percaya bae marang Allah ngunu.

MP  :  Walah pakdhe, dak kira, njenengan sing wis luwih suwe katolik ki ngerti, je? Ternyata yo padha bae karo aku.

PP   :  Lha nek ngrungokake rama le kotbah, njlentrehake babagan kuwi aku ya tetep ae ra mudheng je.

MP  :  Nek padhe ra mudheng, paling ya mergane pikirane sing ngrambyang tekan ngendi-endi to hayo…..mbuh mikirke nomore le dituku nembus ora utawa mikirke le padu karo keng garwa. Hahaha….

PP   :  Ora yoooo, mas! Aku ki nek rama lagi kotbah, ngrungokake tenan loh, amarga kuwi khn ajaran sing kudu dadi pangertene awake dhewe gt.

MP  :  Ya pancen, pakdhe! arep liwat ngendi maneh yen ora saka kotbahe rama, arep sinau dhewe ya malah bingung ta?

PP   :  Bener mas. Njur piye ya kuwi babagan Allah triniji suci kuwi mau?

MP  :  Carane jane gampang pakdhe, ning butuh kesetiaan.

PP   :  waaaaa…ya padha ae, mas nek gitu.

MP  :  Carane jane yo mung maca kitab suci saka wiwitan nganti pungkasan gitu. Lha mengko ngerti jlentrehane ngapa koq Allah kuwi sinebut Hyang Triniji Suci.

PP   :  Wooo…begitu ya, mas! Lha aku wis meh 25 taun dadi katulik rung tau mbukak kitab suci je, paling-paling ya ngrungokake yen dina minggu utawa yen sembahyangan lingkungan…hehe…jadi maluuu aku.

MP  :  Badalah pakdhe! pakdhe!! makane….lha njur kepriye kuwi bisane ngerti tenan sapa sing diimani ana ing urip iki, nu!

PP   :  Ya Gusti Allah, mas!

MP  :  Njur?

PP   :  Ya pokoke percaya ngunu ae.

MP  :  Wuuuuuu……!!!!!

---------------------------------------------------

“Dene gesang langgeng wau inggih punika: mangertos dhateng Rama ingkang jumeneng Allah sawiji lan sanyata, sarta dhateng Sri Yesus Kristus, utusan Dalem.” (Yoh 17:3)”