BILAHI YEN ORA MARTAKAKE INJIL

Nyedaki mangsa Prapaskah tanggal 22 Februari mbesok (Rebo awu), Mas Paul (MP) wiwit ancang-ancang golek kasucianing urip. Semono uga Pakdhe Piter (PP). Kekarone pengin nglelimbang isining kitab suci.

MP   :  Pakdhe...rasul Paulus ana ing waosan kapindo minggu iki, serius ora yo? Lha yo edaan to, nek tenan??

PP    :  Edan piye, mas? Lha njenengan wae pangayomane khn santo Paulus to?

MP   :  Lha mangkane kuwi, pakdhe: sing sepisan, anggone memulang ora golek kaluhuran nanging pancen wes dadi kuwajiban utawa tanggungjawab salumrahe murid Dalem Sang Kristus.

PP    :  Khan pancen mengkono to, mas! Mulang ki wes mbalung sungsum padha karo memangan, nek ra mulang yo awake dhewe cilaka, kepara malah bisa mati.

MP   :  iyo e pakdhe! Kuwi Paulus yo ngandhakake mengkono! Sing ping pindhone, anggone memulang wae tanpa opah, piye jal? Arep dipakani apa jal brayatku? Nek lara, njur mlebu rumah sakit? Apa ya isa dibayar nganggo “memulang”? lha yo nganggo duwit to? Padala ora ana opahe?

PP    :  astapirulllaaahhh....lha koq kaya mengkono caramu mikir, mas?? Apa njenengan ki ora percaya marang Gusti sing tansah nyukupi kabutuhanmu?

MP   :  yo percaya, pakdhe!!! Percaya banget....nanging....!!!

PP    :  Nanging apa??? Nek caramu mikir kaya mengkono, kuwi padha karo njenengan ora percaya marang Gusti, njenengan ora duwe iman!!!

MP   :  Koq isa mengkono, pakdhe! Njenengan aja ngajak sulaya aku loh!!

PP    :  Welah, mas! Ngelmu kuwi kelakone kanthi laku. Ngelmu iku sangsaya landep yen dipigunakake.

MP   :  lha aku ki yo uwis ngunu je pakdhe! Aku duwe kapinteran, duwe kekuwatan, ya tak pigunakake je!

PP    :  iyo dipigunakake, nanging mung kanggo awakmu dhewe to? Kanggo brayatmu dhewe to? Njenengan migunakake kapinteran lan tenagamu, among kanggo sing bisa nyukupi kabutuhanmu, thok to, jane?

MP   :  lha piye maneh, pakdhe! Khan yo wong bebrayatan ki butuhe akeh, malah kepara ora tau cukup je! Dadi yo....?????!!!! nek kira-kira ra ngasilake sing bisa nyukupi butuh, ya kosik-kosik nu! Mohon disori pakdhe! Dakcukupane sik brayatku gitu...nek uwis, lagi.....wong liya lan sawutuhe kanggo pasamuwan!

PP    :  halah...yo mbelgedes banget nu, mas! Jenenge kabutuhane manungsa ki ora tau entek, malah kaya virus, sangsaya suwe, rumangsane sangsaya akeh.

MP   :  sstt.....aja ngunu, pakdhe!

PP    :  yen tumindakmu tetep kaya mengkono, kuwi ateges ora martakake injil....kuwi ateges, njenengan milih urip cilaka, urip bilai!! Mulane, njenengan bakal ngrasakake yen urip kuwi sangsaya suwe sangsaya abot, sangsaya rekasa, amarga ora gelem martakake injil, mas!

MP   :  apa yo mengkono, pakdhe!

PP           :               lha apa, wulangane santo Paulus mau? “Bilai aku, yen ora martakake kabar kabungahan (injil)”. Lan Gusti Yesus piyambak uga ngandika “Berdirilah dan pergilah, imanmu telah menyelamatkan engkau.”(Luk 17:19) Mulane awake dhewe iki nabi.