EFFETA

Pakdhe Piter (PP) rada mangkel karo anake ragil sing dikandhani ora nggugu, malah kepara wani wangsulan. Yach…anak-anak jaman saiki, bektine marang wong tuwa sangsaya luntur. Mas Paul nyoba ngerih-erih.

MP  :  Sabar….sabar, pakdhe! jamane wis beda karo jaman awak dhewe mbiyen. Saiki jaman modern, serba duwit. Yen ra ana duwite, ya ra mlaku. Coba anakmu kuwi diiming-imingi duwit, lha mesti manut. Hehe..

PP   :  Lha piye to, mas! Dakkandhani yen tangi ki sing esuk ben ra kesusu le persiapan sekolah..ee malah ngebluk terus, yen dolan tekan mbengi.

MP  :  jenenge bae anak-anak, pakdhe!

PP   :  anak-anak piye? Lha wis gedhe tuwa ngunu koq mas, mas! Yen tak jaluki tulung mbantu iki, mbantu iku, anane mung alesan bae. Pinter yen golek alesan nggo nutupi le wegah.

MP  :  yaaaa…jenenge bae anak-anak, pakdhe! sabaaar…!!

PP   :  lha sabar piye, to mas! Lha yen ngunu kuwi terus meh dadi apa?

MP  :  ya dadi bocah, pakdhe!

PP   :  lha ya kudune ki sinau bekti marang wong tuwa; mujudake kautaman-kautaman srana cawe-cawe ana ing brayat. Lha ya ngunu to mas kudune.

MP  :  Yaaa…jenenge wae anak-anak, pakdhe!

PP   :  Lha kapan diwasane, mas! Kon dadi pengurus lingkungan, wegah; dipercaya dadi pengurus wilayah, malah ngancam pindah agama; koq dadi pengurus paroki; malah mencak-mencak ngejak sulaya. Kepriben jal, yen mengkono kuwi.

MP  :  yaaa…jenenge bae anak-anak, pakdhe!!

PP   :  apa ya kaya mengkono kuwi ?? anak koq ra ngerti rekasane wong tuwa, kon mbantu sithik-sithik bae ora gelem. Coba bayangke mas, yen jenengan sing dadi aku!

MP  :  sabaaarrr..pakdhe! jenenge bae anak-anak! Ya piye maneh!

PP   :  lha ya, anak-anak, ananging lha ya kudu mangerti yen dadi warganing brayat lha ya cawe-cawe mbantu wong tuwane, supaya kulawarga ki bisa dadi apik, lakune ya kepenak amarga ya wong-tuwa lan anak-anak padha nyambut gawe bareng golek pangupa jiwa-raga.

MP  :  sepisan maneh, pakdhe! jenenge bae anak-anak!

PP   :  aku bisa mbayangke, ngapa Gusti Yesus dina iki, paring sabda sing bisa marasake wong budeg bisa ngrungu, wong bisa bisa celathu. Mbok menawa, amarga Gusti pirsa yen akeh wong-wong sing mbudegake kupinge lan atine; mbisukake tutuke; sengaja gawe wuta mripate marang kahananing brayat.

MP  :  hmmm…..pakdhe ki nyindir bab pilihan pengurus ta??

PP   :  ora yo mas! Aku ki ngrasani kulawargaku dhewe iki loh.

MP       :           ooooo…..dak kira…..???!!