JAGANEN WUTUH ROH JIWA LAN RAGAMU

Sawijining dina, Pakdhe Pitter (PP) karo mas Paul (MP) lagi thenguk-thenguh nang ngisor wit ringin ngarep omah sinambi ngrasakke kanikmatane udan riwis-riwis ing wayah sore iku, agawe ayem wit jagung kang katon ijo royo-royo, marakke ati seneng.

MP  :  Lagi lara, po Pakdhe?

PP   :  lara kepriye, to? Lha seger buger ngene je?

MP  :  Lha koq wingi ra mangkat nang nggreja, nek ora lara?

PP   :  Wah lha yo mohon disori. Aku wingi myang ngalas wiwit isuk je.

MP  :  Yo kuwi tegese laraaaa…pakdhe!!!!

PP   :  lara kepriye, maksude?

MP  :  Lha ra nyang greja khan roh e njenengan lagi ora doyan mangan to? Jare wong nek lagi ra doyan mangan ngombe ki, tandha-tandha yen lara, malah kepara tandha-tandha yen wes “cepak dalane”.

PP   :  Wah-wah…nek iki yo tegel men tenan ngunekke aku kaya mengkono.

MP  :  Weh, ki bener pakdhe! wong sehat ki ora mung teges sehat awake, ning yo sehat roh e, sehat jiwane.

PP   :  apa iyo??

MP  :  Lha iyo nu pakdhe! umum e awake dhewe ngertine sehat ki, mung awake thok, mbuh njur dipijeti, dikeroki, diobati jamu po obat-obat kimia.

PP   :  Lha ncen ngunu je, sing krasa lara khan nek awake lara. Piye jal?  

MP  :  lha yo kuwi….!!! Padala awake dhewe iki, ora mung raga thok, ananging uga roh lan jiwa ana nyawiji ing ragane dhewe. Panganane Roh kuwi donga, panganane jiwa kuwi pasinaon.

PP   :  Njur..???

MP  :  yo mulane, yen ragane dhewe wae dipakane saben dina, kepara ping pindho ping telu utawa luwih. Semono uga roh lan jiwane awake dhewe, kudu dipakani supaya sehat.

PP   :  Iyo yo…piye kwi carane?

MP  :  Yo yen pengin makani roh, yo kudu akeh sembahyang. Lan sembahyangan sing paling bergisi kuwi sembahyangan ekaristi. Yen awake dhewe ngriyayakake ekaristi, kuwi padha karo empat sehat lima sempurna, pakdhe!

PP   :  Wah-wah….ngedap-edapi nu..!!! Njur sing kanggo jiwa?

MP  :  Yen pengin makani jiwane awake dhewe, yo kudu tansah sinau, sregep maca waosan-waosan sing apik: kitab suci, buku-buku pelajaran sekolah, buku-buku karohanen lan sing marake awake dhewe duwe ati lan rasa sing sangsaya wicaksana.

PP   :  ngunu yo, mas!

MP  :  Kudu ngunu, pakdhe! yen pengin awake dhewe sehat wutuh kaya piwulangku dina iki: jaganen wutuh roh, jiwa lan ragamu!

PP   :  Ocree!! Mas! Aku yo pengin sehat koq!