NDANDANI DALAN

Wes pirang-pirang dina iki, miwiti mangsa adven, Mas Paul (MP) rada kangelan anggone numpaki panther e. Pakdhe Pitter (PP) yo ngrasakake semono uga.

PP    :  wah, dalan-dalane gek padha didandani yo, mas! Ki mau lagi dikeruki, nganti macet total.

MP   :  Iyo, pakdhe! aku mau ya kena macet sawise Ngawen, dalane dikeruk.

PP    :  Wah jan, pas banget karo waosan-waosan dina iki yo, Mas! Sing mendhak mendhukul diratakake, sing pating jeglong diurugi, sing pating congol digawe bawera. Cuocok tenan.

MP   :  Bener, pakdhe! yen dalane lus mulus, apa maneh hotmix… hmmm.. nyam-nyam-nyam.. pokoke!

PP    :  Kaya panganan bae, mas! Mas!

MP   :  Lha yo ngunu to, pakdhe! nek dalane rata tenan, lha yo le ngliwati ki kepenak gt.

PP    :  Aku idem bae karo kowe, mas!

MP   :  Hahaha….kuwi tegese, adven tenan ki: GunungKidul lagi nyawiske rawuh Dalem Gusti.

PP    :  hmmm…. Dalan kuwi, sejatine mung pasemon koq mas, kanggo awake dhewe yaiku uripe dhewe, mas!

MP   :  Kamsudnya, pakdhe!

PP    :  Dalan kuwi rusak amarga dienggo pendhak dina ra tau leren, kudu nahan beban sing ora entheng, uga kena banyu, kena panas. Uripe awake dhewe lha yo, dienggo pendhak dina, to mas! Apa tau uripe awake dhewe didandani???

MP   :  Weeee….iyo yo, pakdhe! wong dalan wae nganggo didandani, apa maneh uripe awake dhewe yo??? Lagi sadaar aku!! Malah kepara aku ki ngrangsang uripku tak nggo maneka warna, ora tau tak nggo leren, apa maneh nyempatke ndandani…

PP    :  Nah lo…… mesti yen diumpamake dalan, uripe awake dhewe iki, wes ra karuan, ora cetha, merga dinggo terus kanggo nuruti kasenengane dhewe. Anggarane wektu, tenaga, kepara uga biaya, ora ana; malah uga suthik ngetokke biaya kanggo ndandani urip, sing penting isa mangan wareg, turu kepenak, isa ngeyup wes cukup!

MP   :  Ning….apa yo ngunu kuwi to pakdhe carane ndandani urip?

PP    :  Cethaaa ora nu!! Kuwi mung jasmani!! Lha sing kanggo sukmane awake dhewe?? Opo jal??

MP   :  Lha kuwiiiiiii….., pakdhe!!

PP    :  Miturutku ana perkara loro, sing perlu kanggo ndandani urip: siji, andum berkah; loro, urip miturut paugeran.

MP   :  kwi piye, pakdhe!

PP    :  Andum berkah kwi, tansah berbagi kabecikan. Pasemone kaya dek jaman mbiyen, simbok yen entuk lawuh banjur dibagi rata sakluwarga. Mulane wong mbiyen padha sehat-sehat to? Semono uga urip miturut paugeran, pasemone kaya nyanyi. Yen nyanyi ki nuruti not e, yo mesti dirungokake api, nengsemake neng ati, gitu…!!!

MP          :               Weh, bener pakdhe! yuukkk!!!