JENENG

Bubar mitoni, mas Paul (MP) wiwit golek-golek jeneng sing pas kanggo anake pambarep. Pasa lan sesirik, lelaku lan prihatin ditindakake supaya jeneng sing pas pinaringake dening Gusti kanggo putrane mbarep. Ora lali, uga nyuwun pirsa marang pakdhene sing kejawene kuwat, pakdhe Piter (PP).

MP  :  Pakdhe, anakku mbesuk meh diparingi jeneng sapa ya? Gadhah ide, ga?

PP   :  wah, ya akeh mas. Khan nek awake dhewe iki, jeneng ngemu teges lan pengarep-arep. mulane wong Jawa ora baen-baen yen maringi tetenger marang anak.

MP  :  pikirku yo mengkono kuwi, pakdhe! nanging bingung je..

PP   :  Golek jeneng, biasane bisa adhedhasar dina lairan, bisa uga magepokan karo alam utawa sipat-sipat para winasis, bisa uga gabungan jenenge wong tuwa, lan liya-liyane.

MP  :  pikirku yo mengkono kuwi, pakdhe!

PP   :  pikar-pikir, lha mbok ndang digoleki gitu. Sing baku, kowe duwe gegayuhan apa kanggo anakmu mbesuk, lan aja nganti mung sing penting apik, nanging luwih penting jeneng kuwi ana tegese sing maton lan mapan.

MP  :  lha jeneng sing apik dhewe apa, pakdhe?

PP   :  Yo saben wong beda-beda, mas! Kanggo wong mbiyen jeneng slamet raharja kuwi jeneng apik banget, nanging kanggo  bocah-bocah saiki, mbokmenawa wegah dijenengi kaya mengkono.

MP  :  Lha koq isa, pakdhe?

PP   :  Lha mbokmenawa isin, yen dijenengi mengkono, katon jadul (jaman dulu) utawa rasane kaya wis tuwa, ngunu mas!

MP  :  Iyo-yo, jane jeneng kuwi apik banget. Nanging ya jenenge jaman saiki, gengsine sing digul-gulake. Akeh jeneng apik-apik kepara le ngucapke uangel banget, nanging ora ana tegese apa-apa.

PP   :  Mulane kuwi, mas! Injil uga mulangake awake dhewe, kepriye anggone maringi jeneng marang anak. Kaya jenenge yoanes kuwi.

MP  :  Lha tegese apa pakdhe, jeneng yoanes kuwi?

PP   :  Miturut primbon katolik, jeneng yoanes kuwi tegese Gusti Rena utawa Gusti paring berkah. Elook tak, mas?

MP  :  wooo…..mulane ibu elisabet lan bapa Zakarias estu ngalami berkahing Gusti, yo pakdhe? akeh mukjijat sing mbarengi laire yoanes, putra pambarepe.

PP   :  Nah, awake dhewe wong katulik ya kudu wani, yen golek jeneng kanggo anak ya adhedasar iman kapitayane dhewe, ora mung sing penting apik, ngunu mas!

MP  :  Wokey pakdhe! aku tak sembahyang sik ya supaya bisa nampa wahyuning asma kanggo anakku.

PP        :           Sipppp mas!