KANGGO GUSTI ANANE MUNG IYA LAN IYA

Ngancik mangsa prapaskah mas Paul (MP) wis ancang-ancang mèh netepi pasa lan sesirik sing didhawuhaké Pasamuwan suci. Semono uga pakdhé Piter (PP).

MP  :  pakdhé, suk Rebo wis rebo awu, aja lali nampa awu kanggo tandha pamartobat ingarsaning Allah. Yèn lali bisa-bisa Gusti ora ngluwari saka paukumaning dosa, loh! Mangsa prapaskah uga dadi mangsa kanggo pasa lan sesirik supaya sangsaya bisa ngener Panjenengané.

PP   :  Betul...betul, mas! Aku ya wis siap-siap pasa sesirik dina Rebo sesuk, njur nampa awu, uga pantang saben Jemuwah lan pasa ing Jemuwah agung.

MP  :  Padhaaa, pakdhé! Aku yo mèh netepi pranatan kuwi jé. Nèk isa ya mèh daktambahi ora mung dina-dina kuwi, ngiras-ngirus sinau laku prihatin kaya wong-wong mbiyèn, bèn sekti...hahaha...

PP   :  halah...nèk motipasiné kuwi, klèru mas! Awaké dhéwé pasa sesirik supaya bisa sangsaya agawé kabecikan marang liyan, uga kanggo naliti batin, apa wis nindakaké karsa Dalem Gusti, apa mung nuruti karepé dhéwé thok, ana ing urip sing wis dilakoni, ngunu!!

MP  :  weee...ngunu yo pakdhé! maap-maap! Aku pasané, mèh maem pisan thok aé pakdhé! njur pantang udud..hehe..

PP   :  Tenané, mas! Aja-aja mengko mung obor-obor blarak, awal-awalé semangat netepi, njur pertengahan tekan pungkasan bolong-bolong....hmmm....

MP  :  weehh...nèk mangsa iki aku péngin tenanan, pakdhé! péngin mujudaké “dadi wong katulik sejati” hehe...kaya téma APP taun iki.

PP   :  Yo siiipppp nèk kuwi, aku yo sarujuk, mas! Sangsaya tenanan lé pasa-sesirik, sangsaya bisa gawé kabecikan marang liyan, mas! Uga sangsaya nyata yèn awaké dhéwé martobat tenanan.

MP  :  lha koq isa, pakdhé??

PP   :  ya iyalah, mas! Ngéné loh, nèk kowé pasa mung mangan sepisan thok, sedina (24jam), berarti jatahmu mangan liyané mlebu kotak app, mas!

MP  :  wooo....ngunu to tegesé ana kotak APP ki? Berarti “jatahku” sing saben dina daknikmati, lan dakurangi ing pasa-sesirik, daksisihaké kanggo wong liya, ngunu?

PP   :  Yupiiii...mas! artiné, yèn saben dina jatahmu mangan sepisan kuwi diétung baé Rp 5.000, berarti suk Rebo awu, kudu nglebokaké jatah duwit mangan nang kotak APP= 2xmangan x Rp 5.000, yaiku Rp 10.000 pluunnggg.....mlebu kotak APP. Semono uga pasa liyané.

MP  :  woooo,....begitu, lha yèn pantang?

PP   :  pantang yo padha baé. Mau khan pantangmu udud to? Kowe sedina (24jam) entèk rokok pirang batang?

MP  :  10 lencer, pakdhé.

PP   :  berarti, yèn 10 lencer, ya dikira-kira baé, salenceré regané Rp 700. Berarti pas pantang, nglebokaké jatah udud kuwi awujud duit nang kotak APP = 10 lencer x Rp 700 = Rp 7.000,.. plluuunnngg....!!!

MP  :  apa ya kudu dina kuwi lé nyemplungaké?

PP   :  paling apik dina kuwi uga, mas! Lan aja nganti dijupuk manèh duwité sing wis dijemplungké. Yèn nganti dijupuk kuwi tegesé KORUPSI, semono uga yèn lé nyemplungké duwit nang kotak APP ngancik mèh dikumpulaké..kuwi yo KORUPSI. Apa manèh nganti njur ora dipisungsungaké nang Pasamuwan..kuwi yo KORUPSI. Korupsi sing ora baen-baen..ngorupsi bandané Gusti Yésus... dosané gedhiiii buanget! Uripmu bisa-bisa ora binerkahan, mas.

MP       :           wah-wah...maturnuwun banget pakdhé! Pangertèn iki dakéling-éling terus, supaya mangsa prapaskah iki aja nganti dadi supata kanggo uripku.